உடல் பருமனை அதிகரிக்கும் தூக்கமின்மை

தூங்காமல் இருந்தால் உடல் நலம் கெடுவதுடன், அவர்களுக்கு சர்க்கரை நோய் ஏற்படும் என்றும், உடல் பருமன் அதிகரிக்கும் என்றும் நிபுணர்கள் தெரிவித்துள்ளனர்.

அமெரிக்காவில் பாஸ்டன் நகரில் உள்ள பிரிங்கம் பெண்கள் மருத்துவமனையில் தங்கி சிகிச்சை பெற்றவர்களிடம் விஞ்ஞானிகள் ஆய்வு மேற்கொண்டனர்.

அவர்களில் நாள் ஒன்றுக்கு 5 மணி நேரத்துக்கும் குறைவாக தூங்குபவர்கள் பெரிதும் பாதிக்கப்பட்டது தெரியவந்தது.

அதாவது அவர்களின் எடை 4.5 கிலோ முதல் 5.5 கிலோ வரை அதிகரித்து இருந்தது. இதே நிலை தொடர்ந்து நீடித்தால் இன்னும் 3 அல்லது 4 ஆண்டுகளில் உடல் பருமன் மற்றும் சர்க்கரை நோய் ஆபத்து ஏற்படும் என விஞ்ஞானிகள் தெரிவித்துள்ளனர்.

இதன் காரணமாக நபர் ஒருவர் நாள் ஒன்றுக்கு 7 முதல் 8 மணி நேரம் தூங்க வேண்டும் என்றும் வலியுறுத்தி உள்ளனர்.